შეუძლებელია წარმოვიდგინოთ თანამედროვე კომპიუტერი რაიმე პერიფერიის გარეშე. მაგალითად. ბევრი მომხმარებლისთვის კომპიუტერის ნორმალური მოხმარებისთვის აუცილებელია პრინტერის არსებობა. სახლისთვის თუ ოფისისთვის ყველაზე ეკონომიურ საშუალებას წარმოადგენს ლაზერული პრინტერი. რა თქმა უნდა მისი ღირებულება გაცილებით მაღალია ვიდრე ჭავლური პრიტერის ფასი, მაგრამ ლაზერული პრინტერის ექსპლუატაცია უფრო იაფი ჯდება და გაცილებით მომგებიანია. თუ როგორ შევარჩიოთ იგი წავიკითხოთ შემდეგი ინსტრუქცია.
კარტრიჯზე ბევრია დამოკიდებული, იგივე მისი შესაძლებლობები, დატენვის სიხშირე და სხვა პარამეტრები. არსებობს ორი სახის კარტრიჯი: ჩიპიანი და უჩიპო. ეს იმას ნიშნავს, რომ ჩიპიან კარტრიჯში არსებობს ჩიპი, რომელიც თვლის დაბეჭდილ ფურცელთა რაოდენობას და ლიმიტის ამოწურვისას იბლოკება, დამოუკიდებლად იმისა ამოიწურა თუ არა საღებავი კარტრიჯში. მწარმოებელბს სურს რომ ძველი კარტრიჯის დაბლოკვის შემთხვევაში, მომხმარებელმა შეიძინოს ახალი, რომელსაც პრინტერის ნახევარი ფასი ადევს. როგორც იტყვიან, ნებისმიერ ქმედებას გააჩნია უკუქმედება, ინტერნეტის ქსელში შეგიძლიათ წააწყდეთ უამრავ სახელმძღვანელოს თუ როგორ გადავკეროთ იგი. თუ თქვენ არ გსურთ კარტრიჯის გასწორება, უმჯობესია შეიძინოთ უჩიპო კარტრიჯი.
რესურსი დამოკიდებულია საღებავის კამერის ფიზიკურ მოცულობაზე. თანამედროვე ლაზერულ პრინტერს აქვს 3-5 ათასი ქაღალდის ბეჭვდის საშუალება თვეში. ასევე თან უნდა მოსდევდეს სპეციალური სათავსი გადამუშავებული საღებავისთვის, რაც იცავს სამუშაო კამერას საღებავისგან.
გახურება ეს არის დრო სანამ პრინტერი გადავა სამუშაო რეჟიმში. დიდი ხნის განმავლობაში გამორთული პრინტერი საჭიროებს გახურებას. გახურება ასევე მიმდინარეობს პირველი ფურცლის ბეჭვდის დროს, რის გამოც იგი იბეჭდება ყველაზე დიდხანს. ამ პროდეცურის ნორმალური დროა 10 წამი. გაითვალისწინეთ თუ თქვენი პრინტერი ბეჭდავს 3 წამში 1 ფურცელს, მაშინ გახურების დროს დაბეჭვდას 13 წამი.
სხვა ფაქტორები.
გაითვალისწინეთ რომ ლაზერული პრინტერი გაცილებით ხმაურიანია.
ბევრ პრინტერს აქვს USB პორტის ინტერფეისი. თუ თქვენ დააპირებთ რომ გააკეთოთ პრინტ-სერვერი, მაშინ შეიძინეთ პრინტერი LAN-ის და WIFI-ის პორტებით.
პრინტერის დისკრეტული მეხსიერება უნდა იყოს არანაკლებ 32 მეგაბაიტისა.
ყველაზე ხარისხიანი და ხელმისაწვდომი ბრენდებია Canon-ი და HP-ი.
